Cuti Gawai 2012 (Part 1)

        Post keterubah tu ngenang cuti sekula ti apin lama ti udah..(Kira lama gak laban nyau ka semak 2 bulan lebih gak..haha). Au, nyau ngenang cuti sekula ti apin lama, aku bisi pulai ke rumah panjai. Sampal kami sebilik pulai laban ngenang diri lalu ka nyambut gawai ba rumah panjai. Endang sigi dianti - anti gak musim cuti sekula tu kelebih gik baka kami ti agi sekula (universiti @I PG @ etb) laban lama amat udah enda pulai ke menua. Tambah - tambah mega baka kami tu ti jarang amai pulai enti enda cuti panjai laban ke jauh ari menua Sarawak. Kelebih agi tambang bilun pulai mansang enti pulai cuti ukainya murah. Jai - jai pen bisi meh RM500++. Empai gik belanja makai ba airport + nepan ekspress + teksi + etb. Sinu ndar asai ati nti lebuh meda bala kaban2 ke damping ditu pulai ngagai menua sida tiap2 kali ujung minggu. Tang, nama meh daya, tok meh "pengorbanan" (ku menyadi kitai bangsa Melayu) ti patut ditapi ngichaka idup senang lantang dudi hari.

        Nyau jauh ndar gak aku empelah. Ka pen nda, sigi udah pemai ari ada gak muni ko lagu Swaylin..haha. Ok, nyambung cerita cuti tadi, nyadi kami sebilik (keluarga besai) ke pulai ke rumah panjai ke sama bisi ngau ngintu Hari Gawai 2012 iya nya tiga pintu aja (kami sebilik + Aunty + Apai Bujang). Taja pia, bilik ba rumah panjai ke alai kami diau endang ka sekut2 mimit gak taja bala ti pulai semina 3 pintu aja. Kati ko enda pia deh, kami sebilik empu udah 9 iku (tambah aki ngau ini), bala aunty aku dah 5 iku ngau Apai Bujang + bini + "little boy" ea semua ea kira 14 iku pia meh. Empai gik nya, nti tiga buah pintu dak gik sama bisi ngau pulai sarinya, sigi bisi bala kedua ea tinduk ba dapur enggau ba ruai...haha...Tang, taja pia, rindu amat gak begulai bebala mayuh enggau bala diri sebilik, kelebih agi nti lebuh ngintu pengerami Hari Gawai baka tu.

         Pemulai kami ke rumah panjai sarinya ngena dua buah perau ti numbas ea pemesai. Endang bejak - jak gak barang ke dibai. Perau nyau ka sarat2 baka gak laban tubuh kami sebuah ditambah gik enggau barang ti diundan dalam perau. 

 Peace..yo..ko ea......  ini nyau malik ke baruh, nda sporting mat.... 

Tu meh perau ti ditepan kami mudik ke rumah panjai.... 

         Kami meleka ari pemendai rumah kami ba Song kira2 pukul 11 pagi pia meh. Endang jam stindit meh nya nti pulai ke rumah panjai. Ka tumu gik ari nya sigi ka pedis2 mimit gak laban agi bebelika barang serta minyak muto gak sebedau nya. Barang pemakai ti diempa ba perau endang sigi udah disediaka dulu ari rumah sebedau meleka. Aku ngau madi aku ke siku (nangkan aku) laban enggai enda "special" gik ko jaku nyau nurun ke pasar meli asi ba kedai. "Special" ea meh nya laban ke ditapau ngena polisterin..haha. Kelalu mayuh ulah. Udah manah2 orang manduk pemakai ba rumah, enggai meh enda meli ke ba kedai...haha. Nya meh ulah aku enggau madi aku tiap kali lebuh maya ka pulai ke rumah panjai.

         Pelajai mudik ke rumah panjai endang umbas ea pengelama gak. Enti ai ngaum munyi ko orang tuai, kira dalam 5 jam pia, datai meh. Enti ai langkang, nya baru ea, 6 jam setengah meh duduk dalam perau. (Penama ke duduk dalam perau, tang maya datai ba endur ti pabu legi, ka pen enda, nurun meh bebatak). 

         Nyau kira setengah pejalai, kami sebuat pan ngetu ba karangan laban deka ngintu diri (makai ko kitai diatu). Pama udah lama duduk dalam perau, asaika enggai burit angkat. Ukai kini gak, nyau penat gak asai kaki, nya kebuah lembau amat angkat. Pengudah sangkai ba kerangan ti manah alai sangkai, kami sebuat pen belabuh mantaika barang pemakai ari perau. Nyau berupai endar lelak gamal bala kedua ea taja enda deriba muto laban ke empa panas sepemanjai jalai mudik tadi. Nyau mansau cinang2 gak gamal laban panas (mua aku empu..haha).

Agi nganti pemakai dinahka...perut ukai anchi pengelapar...hahaha

Bendar bala ngidup ke diri..makai bediri, kenyang meh...

Bekaus kidus bala mensia makai...nyamai endar gak utai dempa ba kerangan..

 Buan dulu d aki, legi d makai...haha ..:)

       Lebuh ke ngetu makai, sempat gak bala beambi ke gambar. Ukai main gik gak, baka ke enda kala begambar. (ngerara diri empu..hahaha). Bala bukai laban udah lapar, enda enggau aku kiruh begambar. Nyuap - penyuap meh sida ea asi ngau lauk. Kapa sida ea begambar nya, ukai nya ngasuh kenyang, engka nya kini peragam dalam ati sida din. Hahaa...

Orang bukai agi makai tang, tu meh pengawa aku...haha (berupai endar perut gentung laban dah kenyang)

Ka gak ini bai aku begambar...nasib ea sporting ditu...1,2,3  senyum .. :)

         Nyau kira ka damping setengah jam gak kami ngetu merarau ba karangan, nya baru kami mupuk baru mudik kulu. Jam maya nya kira2 pukul 3 lebih pia kini (endang maya matahari panas amat). Nyau berasai amat mua angat diempa panas taja pala disengkabung enggau tupi. Bendar ngelalai ke mua ari empa panas tang agi gak berasai angat. Nasib endar gak bisi "bebribut" mimit lebuh ke nepan perau. Ulih gak ngurang ke mimit pengangat mata panas ti inggap ba tubuh. Aku laban ti udah kenyang tambah gik puput ribut lebuh nepan ba perau lalu ngali ke diri ba perau. Idup endar seput asai ea laban ulih ngali ke diri ba perau...haha...(baka sawa udah nelan). 

Ulah sepupu aku lebuh ke dalam perau..haha..cool jak mak ea ba belakang nyin...

Kasih ea empa panas....keterubah ea pulai ke rumah panjai tok...hehhe..sigi asai ea Emang..kami suba baka nya meh...

        Kira2 semak pukul 6 lebih pia, kami dua buah perau pan datai ba rumah panjai. Nya baru berupai tawas gamal bala kedua ea pemuas ngetatke pedis burit duduk ba perau....haha....Nyau berubah baru gak gamal pemendai rumah panjai kami peda aku. Tiap2 kali pulai, lain belama "fashion" pemendai rumah panjai. Engka laban ai ti suah pasang surut kini pelaba aku. 

         Akai dai...ngetu naka tu dulu aku...ila nusi ke kita baru gak cerita lebuh maya ba rumah panjai. Kelalu mayuh utai ti ka dikungsi enggau kita tang nama daya jari nyau udah buruk naip..kekekkeh..ila meh aku nyambung baru, au... :) bye2...